GAUTENG. – Die Gautengse verkeersdienste het die afgelope langnaweek 40 mense vir dronkbestuur in hegtenis geneem.
“Die bestuurder met die hoogste meting het 1,09 milligram per 1000 milliliter gemeet,” sê Sello Maremane, woordvoerder van die Gautengse verkeersdienste.
Motoriste in hegtenis geneem vir dronkbestuur en spoedoortredings
LEES OOK: Alkoholisme: Ouers wat slukkies drank aan kinders gee, kan bydra tot drankprobleme
Behalwe vir diegene wat vir dronkbestuur in hegtenis geneem is, is 34 bestuurders vir spoed op die hoofpaaie in Gauteng vasgetrek. Een man wat in hegtenis geneem is, het 233 km/h in ‘n 120 km/h sone gery.
“Die hoëspoed-eenheid van die verkeersdienste sal die patrollering van snelweë, strate en openbare plekke in duidelik gemerkte voertuie verskerp. Die patrollies sal gebruik word om verkeersoortredings te voorkom, veral omdat ons die Paastyd nader,” sê Maremane.
LEES OOK: TikTok-neiging: ‘Dit kan ernstige pyn en ongemak veroorsaak’ sê veearts
Volg FiND iT hier vir die nuutste nuus.
