Vermeende rower met speelgoedgeweer en kontant deur polisie vasgetrek
Kol. Thembeka Mbele, polisiewoordvoerder, sê die verdagte het die personeellede van die winkel oorval.
KWAZULU-NATAL. – ’n Beweerde rower (27) met ’n speelgoedgeweer en kontant is deur die polisie vasgetrek na ’n klerewinkel in Durban van selfone en kontant beroof is.
Kol. Thembeka Mbele, polisiewoordvoerder, sê die verdagte het die personeellede van die winkel oorval. Volgens Mbele is die bestuurder gedwing om die kluis oop te maak.
Vermeende rower vasgetrek
Mbele sê daarna het die verdagte glo selfone en kontant gesteel voordat hy uit die winkel geloop het. Die polisie is dadelik ontbied en die verdagte is opgespoor.
Die verdagte sal na verwagting vandag in die landdroshof in Durban verskyn op aanklag van sakeroof.
LEES OOK: Johnson & Johnson-entstof het in Suid-Afrika aangekom
Volg FiND iT hier vir die nuutste nuus.
Skrywer:
