Lees ook: Dokters en pasiënte in Gaza-hospitaal vasgekeer
GAZA. – Meer as 11 200 mense is reeds in die Hamas-Israel-oorlog dood. Minstens 2 700 persone is as vermis aangemeld. Die dodetal in Israel staan op 1 400.
Die Israeliese weermag het gisteroggend die Al-Shifa-hospitaal ingeval op soek na Hamas-ekstremiste wat glo in die hospitaal en in tonnels onder die hospitaal ingegrawe is.
Hamas en die hospitaal het ontken dat daar enige Hamas-bevelsentrum in of onder die hospitaal is.
Minstens 3 000 mense is in die hospitaal vasgekeer na Israel Vrydag die hospitaal omsingel het. Die hospitaal is sedert Maandag nie meer funksioneel nie weens ’n kragonderbreking.
Die Gaza-gesondheidministerie het gesê 40 pasiënte is dood sedert die noodkragopwekker se brandstof Saterdag opgeraak het. Ses kinders is dood en daar is vrees dat nog 36 kinders kan sterf omdat daar geen krag vir broeikaste is nie.
Bronne: Mint, The Guardian, CNN
