LEES OOK: Meer as 1 200 besighede het die afgelope jaar in SA gesluit
Die Suid-Afrikaanse uitsaaikorporasie (SAUK) is finansieel in die knyp nadat die nasionale tesourie geweier het om R1,5 miljard se bykomende finansiering aan die uitsaaier te gee.
Ten spyte van verskeie jare se verbetering in netto verliese, het die groep se verliese tot R1,13 miljard gegroei, volgens die 2022/23-jaarverslag wat aan die parlement voorgelê is. Die SAUK se inkomste het met 7,9% gedaal vanaf die 2021/22-boekjare en was 27% minder as die begroting. Verliese het nie net van R949 miljoen tot R1,13 miljard gegroei nie, maar die kontantreserwes het met R709 miljoen gedaal – ’n daling van 60% – vergeleke met die R300 miljoen in die vorige jaar.
“Die aansienlike onderprestasie van inkomste kan toegeskryf word aan ‘n verskeidenheid interne en eksterne faktore, insluitend maar nie beperk nie tot, die groei in gehoorgraderings wat nie aan verwagtinge voldoen het nie, die impak van analoog-afskakeling en beurtkrag, die onvermoë om sportgeleenthede en ander inhoud suksesvol te monetiseer en die toenemende TV-lisensie-ontduikingsyfer,” het die uitsaaier gesê.
Volgens die ministerie van kommunikasie en digitale tegnologie sê die SAUK gaan binnekort in duie stort. Die adjunkminister, Philly Mapulane, het aan die parlement gesê dat die SAUK nie net tegnies bankrot is nie, maar dat die uitsaaier ook die uitsaaiseinverspreider Sentech meer as R700 miljoen skuld, wat meer as die helfte van die entiteit se inkomste is.
#SABC #Verliese #Parlement #Afrikaans #Nuus
Bronne gebruik: Eyewitness News; BusinessTech.
