LEES OOK: Verligting by die petrolpompe vir November verwag
Motoriste kan van Woensdag af ’n bietjie verligting by die brandstofpompe verwag. Petrolpryse gaan met R1,78 per liter daal terwyl diesel met tot 85 sent per liter minder gaan kos.
Robert Maake, woordvoerder van die departement van energie, sê dit is weens die laer olieprys wat gelei het tot die daling in pryse van petroleumprodukte gedurende die oorsigtydperk.
Maake het gesê: “Die volgende brandstofpryse sal op Woensdag 1 November in werking tree – beide grade petrol sal met R1,78 sent per liter daal, diesel sal met 82 en 85 sent per liter verminder, verligtingsparaffien sal met R1,30 sent op kleinhandelvlak verminder en LP-gas sal met R1,49 sent per kilogram toeneem. Hierdie heffing styg met 21,92 sent per liter in die prysstrukture van petrol en diesel. Daar is ook ‘n groter vraag na gas weens die winterseisoen in die noordelike halfrond,” voeg Maake by.
#Brandstof #Diesel #Petrol #Pryse #Afrikaans #Nuus
