LEES OOK: R600 000 per sitting: Raadslede kry glo driegangmaaltye terwyl belastingbetalers opdok
Kuben Naidoo, ‘n adjunkpresident van die Reserwebank, het sy bedanking ingedien. Dit gee aan president Cyril Ramaphosa die geleentheid om nuwe leierskap in die Reserwebank in te bring voor die 2024- nasionale verkiesing.
Naidoo dien ook in die monetêre beleidskomitee wat oor rentekoerse in die land besluit. Sy tweede vyfjaarkontrak sou in Maart 2025 eindig. Naidoo het ook toesig gehou oor die finansiële stabiliteit en geldeenheidgroepering by die Reserwebank.
Kokkie Kooyman, die uitvoerende direkteur en portefeuljebestuurder by Denker Capital, het gesê Naidoo se bedanking is ‘n groot slag vir die Reserwebank. “Ek dink die tydsberekening van Naidoo se bedanking is deurslaggewend, veral met die rol wat die Reserwebank gespeel het.” Kooyman het gesê Naidoo se bedanking kom op ‘n tydstip waar die Reserwebank onder druk was om nie die land se rentekoerse te verhoog nie. “Hy was baie goed met die verduideliking van die rol van die sentrale bank, en hoekom jy nie die sentrale bank of Reserwebank met die regering kan laat werk nie. Dit moet altyd onafhanklik wees en soos die instansie se mandaat sê sonder vrees, guns of vooroordeel.”
Die presidensie het gesê Naidoo se bedanking word nog hersien.
#Reserwebank #Naidoo #Bedanking #Afrikaans #Nuus
Bronne gebruik: BusinessDay; News24; EWN.
