LEES OOK: Kaapstadse man gevonnis wat hidroponiese dagga-laboratorium bestuur
President Cyril Ramaphosa het die voormalige politikus en anti-apartheidsaktivis, Janet Love, as die verkiesingskommissaris aangestel. Die parlement se portefeuljekomitee oor binnelandse sake het Love by die Nasionale Vergadering aanbeveel om in September ’n vakature by die Onafhanklike Verkiesingskommissie (OVK) te vul.
Die Nasionale Vergadering het toe die aanbeveling goedgekeur. Love was een van 12 kandidate wat meegeding het vir die pos. Sy dien alreeds sedert 2018 as die ondervoorsitter van die OVK.
Love het van 1994 tot 1999 as ‘n LP vir die ANC in die eerste demokratiese parlement gedien, en was ‘n lid van die 22-persoon grondwetlike komitee van die Grondwetlike Vergadering, die liggaam wat verantwoordelik is vir die leiding van die grondwetmaakproses.
#IEC #JanetLove #Kommissaris #Afrikaans #Nuus
