LEES OOK: Konstitusionele Hof verklaar deel van Egskeidingswet ongrondwetlik
’n 25-jarige man van Kaapstad is in die Khayelitsha-hof gevonnis op aanklag van die besit van dwelms ingevolge die Wet op Dwelms en Dwelmhandel. Joseph Hughes is in Desember verlede jaar in hegtenis geneem en op borgtog van R50 000 vrygelaat nadat ‘n hidroponiese dagga-laboratorium by sy huis in Constantia ontdek is.
’n Soek-en-beslagleggingsoperasie is deur verskeie wetstoepassingseenhede uitgevoer. Die Wes-Kaapse woordvoerder van die Valke, adjunk-offisier Zinzi Hani, het gesê die ondersoekspan het vasgestel sewe kamers op die perseel is vir die verbouing van dagga gebruik.
Hughes het ‘n pleitooreenkoms met die staat aangegaan. Hy is vyf jaar tronkstraf of ‘n boete van R200 000 opgelê, wat geheel en al vir vyf jaar opgeskort word, mits hy enige skuldigbevindings vir dieselfde oortreding gedurende daardie tydperk vermy.
#Kaapstad #Dagga #Vonnis #Afrikaans #Nuus
Bronne gebruik: IOL; Cape Town Etc;
