KWAZULU-NATAL. – ‘n Burundiese burger (28) wat vir ‘n supermark kruideniersware moes aflewer, het op sy eerste werksdag in ‘n ongeluk op die Old North Coastalpad naby Woodview Park gesterf.
Reaction Unit South Africa sê die man het gesterf toe hy glo met ‘n Big Boy 125cc-motorfiets ‘n U-draai gemaak het.
‘n Verbyganger het hulp vir die kritiek beseerde man ontbied.
Met aankoms is gevind hy is noodlottig beseer. Die motorfiets het verskeie meters van hom gelê.
Werkskollegas van die man wat op die toneeel aangekom het, het gesê dit was sy eerste dag van werk.
Volgens ‘n bestuurder van ‘n Mini Cooper wat ‘n geruime tyd agter die motorfietsryer vanaf Phoenix na Ottawa gery het, het die motorfietsbestuurder na bewering skielik ‘n U-draai gemaak. Die voertuig kon nie vinnig genoeg tot stilstand kom nie en het die motorfiets gestamp.
Die motorvoertuigbestuurder het geen beserings opgedoen nie.
Bron: Reaction Unit South Africa
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
