*PERSVERKLARING
Gister het die Demokratiese Alliansie (DA) in die Noord-Kaap ons 2024 kiesersregistrasieveldtog op strategiese punte regoor Kimberley van stapel gestuur. Kimberley, die provinsie se eens sprankelende hoofstad, het sy glans onder ANC-bewind verloor en het ‘n kritieke behoefte om gered te word.
Die DA is die eerste party in die Noord-Kaap om plakkate voor volgende jaar se verkiesing op te hang. Harold McGluwa, LPW het gesê: “Vandag sal ons ook amptelik ons bussie vir die toer van die Premierskandidaat asook ons verkiesingsvoertuie bekendstel.”
“Verkiesing 2024 is die mees deurslaggewende verkiesing sedert 1994. As ons nie opposisiekiesers van die provinsie mobiliseer om te registreer om te stem om die Noord-Kaap en Suid-Afrika te red nie, sal ons dalk nie nog ‘n demokratiese verkiesing beleef nie. Ná ‘n verdere vyf jaar van ANC-regering, of nog erger, onder die ANC/EFF-doemdag-koalisie, sal daar dalk ook niks meer oor wees om voor te baklei nie.”
“Dit is hoekom die DA uiters hard in die Noord-Kaap werk, ons masjinerie in plek gestel het en met kiesers in gesprek getree het. “
Terwyl ons met die registrasieplakkate pale oorneem, moedig ons kiesers aan om hul mag terug te neem. Die Noord-Kaap behoort nie aan die ANC nie, net soos wat water, elektrisiteit of die behoefte aan veiligheid ook nie aan hulle behoort nie. Dit is ons basiese menseregte en ons moet die mag van die “X” gebruik om daarvoor te baklei.
“Die belangrikste is dat kiesers hulself met die sekerheid moet bewapen dat hulle nie net by die OVK geregistreer is nie, maar dat hulle korrek geregistreer is. Dit is uiters belangrik omdat jy vir die eerste keer in ‘n provinsiale en nasionale verkiesing geregistreer moet wees in die wyk waar jy woon om te kan stem.”
“Kiesers hoef nie vir die formele registrasienaweek op 18 en 19 November te wag om te registreer of hul registrasiestatus te bevestig nie. Hulle kan verder hulp kry by die DA om te registreer op https://check.da.org.za“
“Ons kan nie gou genoeg verkiesing toe gaan nie. Elke dag wat ons wag, staar ons ‘n nuwe krisis of ‘n erger krisis in die gesig. Dit word veroorsaak deur swak bestuur, kaderontplooiing, korrupsie en misdaad. Soos ons meer plakkate opsit, nooi die DA jou uit om jouself te verbind om op te hou om die ANC te verdra en om aan te sluit by die missie om Suid-Afrika te red deur te registreer om in 2024 te stem.”
*Die spesifieke politieke party het vir dié advertensie betaal.
*PERSVERKLARING
Lees ook: Verdagte in Ben Gumbi-moord se borgaansoek heropen
