VRYSTAAT. – ‘n Mansstudent (19) aan die Universiteit van die Vrystaat is Sondag deur mede-studente in die Steve Biko-studentewoning op die Qwaqwa-kampus dood gevind nadat hy Saterdag deel was van die universiteit se 20ste bestaansjaarvieringe.
AO Mmako Phophiring sê die student was glo Saterdag omstreeks 23:30 vir die laaste keer deur medestudente gesien waar hulle deel van feesvieringe was en daar na bewering alkohol gebruik is.
Nadat die oorledene Sondag ontdek is, is die sekuriteit en polisie ontbied. Die student is op die toneel dood verklaar.
‘n Geregtelike doodsondersoek is deur Phuthaditjhaba-polisie geopen, waarna ‘n nadoodse ondersoek sal plaasvind om die oorsaak van sy dood te bepaal.
Bron: SAPD
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
