LEES OOK: City Power gaan kragtoevoer na gekaapte geboue in Johannesburg afsny
Die Stad Kaapstad beplan ‘n R107 miljoen-uitgawe vir die opknapping van die 180 MW Steenbrasdam-hidro-elektrisiteitsfasiliteit. Hierdie verbeterings sal oor die volgende paar jaar uitgevoer word. Volgens die burgemeesterskomiteelid vir Energie, Beverly van Reenen, sal die opknappings by die Steenbrasdam-projek die inwoners van Kaapstad teen twee tot vier stadiums van beurtkrag beskerm. Dis veral belangrik wanneer Eskom fase 6-beurtkrag implementeer en verbruikers die ergste daaronder ly.
Die Wes-Kaapse regering het vroeg vandeesmaand gesê hidro-energie en langtermyn-energieberging is deel van die stad se Geïntegreerde Hulpbronplan. Die Steenbrasdam word beskryf as Kaapstad se geheime wapen om beurtkrag te bekamp. Die dam sit bo-op ‘n berg by die Sir Lowryspas wat water deur die hidro-elektriese turbines laat afvloei wat weer elektrisiteit opwek.
#Kaapstad #Elektrisiteit #Loadshedding
Bronne gebruik: SABC Nuus.
