Lees ook: Verdagte in Senzo Meyiwa-moord het foto van pistool op foon
Kelly Khumalo se optrede by die Tribute to Women-konsert is gekanselleer na teenkanting op sosiale media omdat sy verlede week na bewering in die Senzo Meyiwa-moordverhoor geïmpliseer is.
Die organiseerders van die konsert het gesê Khumalo is onskuldig tot dit anders bewys word, maar hulle het besluit om haar optrede te kanselleer om vir haar en haar span tyd te gee om op die verhoor te fokus.
Tydens die verhoor het kol. Lambertus Steyn gesê selfoonnommers wat aan Kelly Khumalo behoort, kan met minstens twee van die vyf moordverdagtes verbind word.
Selfoonrekords het gewys Khumalo was minstens twee keer in kontak met beskuldigde nommer 5, Fisokuhle Nkani Ntuli. Haar foon se data is ook ure na Meyiwa in haar huis doodgeskiet is, uitgevee.
Niemand in die huis het gebel vir hulp toe Meyiwa geskiet is nie. Khumalo gaan nie as ‘n staatsgetuie geroep word nie.
Bronne: IOL, ECR, Briefly
Lees ook: Verdagte in Senzo Meyiwa-moord het foto van pistool op foon
