Lees ook: Malema sê Ramaphosa moet Zuma kwytskeld
President Cyril Ramaphosa het weer gesê die Weste dreig Afrika-lande met strafmaatreëls as hulle weier om kant te kies in die Oekraïne-Rusland-konflik.
Hy het gesê Suid-Afrika is een van die lande wat deur die Weste gedreig word.
Ramaphosa, wat ‘n parlementsvraag van die DA skriftelik beantwoord het, het gesê hy hou by sy kommentaar in Mei dat baie Afrika -lande gedreig word met strafmaatreëls omdat hulle nie kant kies nie.
Hy het gesê Suid-Afrika en ander lande word gedruk om ‘n sekere posisie in te neem oor die Rusland-Oekraïne-konflik. Hy het gesê die druk is in verskillende vorms met direkte druk soos die wet van “Countering Malign Russian Activities in Africa” wat Amerika ingestel het en indirekte, informele en nie-amptelike druk.
Bronne: IOL, The Africa, Bulawayo24
Lees ook: Jacob Zuma ‘sal eers terugkom wanneer sy Russiese dokters sê hy mag’
