Die Suid-Afrikaanse sanger, liedjieskrywer, regisseur en dramaturg David Kramer vier vandag sy 72ste verjaardag.
Sy debuutalbum BAKGAT! is in 1980 vrygestel.
Kramer is bekend vir treffers soos Meisie Sonner Sokkies, Die Royal Hotel en Stoksielalleen. Hy het tot op datum tientalle albums vrygestel, onder andere Die Verhaal van Blokkies Joubert (1981), Delicious Monster (1982), Hanepootpad (1983), Jis Jis Jis (1983), Kwaai (1984), Van der Merwe P.I. (1985), Laat vir die Dans (1986), Baboondogs (1986), Karoo Kitaar Blues (2002) en Sharttendorff (2019).
Hy het saam met wyle Taliep Petersen gesorg vir onvergeetlike musiekblyspele soos District Six, Kat & The Kings, Poison en vele meer.
In 2007 en in 2014 ontvang Kramer eredoktorsgrade in literatuur en in 2023 ‘n Fleur du Cap vir sy lewenslange bydrae tot musiek.
