‘n Volwasse man is dood en sewe ander is beseer in ‘n veelvuldige voertuigbotsing waarby drie vragmotors, ‘n bakkie en nege ligte motorvoertuie vroeër vanoggend op die N17 tussen Springs en Brakpan betrokke was.
ER24-paramedici was om 07:20 saam met die regering se nooddienste op die toneel.
Swak sigbaarheid as gevolg van digte rook was glo ‘n bydraende faktor tot die botsing.
Verskeie voertuie het agter mekaar gery. ‘n Groot vragmotor met hout is op sy sy op die toneel gevind.
Die oorlede man was ‘n passasier in een van die voertuie. Hy is op die toneel dood verklaar. Daar is gevind dat een van die bestuurders, ‘n vrou in haar 30’s, matige beserings opgedoen het. Sy is behandel en na ‘n hospitaal vervoer vir verdere sorg. Ses ander volwassenes het ligte beserings opgedoen en is ook deur beide ER24 en die regering se nooddienste behandel en na ‘n hospitaal geneem.
Verskeie ander passasiers is met skrape en kneusplekke gevind, maar hulle het vervoer na ‘n hospitaal geweier. Nie een van die beseerdes op die toneel was in die voertuie vasgekeer nie.
