Lees ook: Polisie loods mannejag na moord op sakeman
Twee polisiebeamptes is Sondagaand in afsonderlike voorvalle in Khayelitsha doodgeskiet.
In die eerste voorval was ‘n polisiesersant (36) besig om in Solomon Tshukustraat te ry toe ‘n gewapende verdagte na die voertuig geloop en hom verskeie kere geskiet het. Hy is later in die hospitaal oorlede.
Nog ‘n polisiesersant is by Mandela Park doodgeskiet toe hy saam met vriende gekuier het. Die skietery was moontlik verwant aan ‘n roof wat plaasgevind het.
Twee moordsake is geopen, maar nog geen inhegtenisnemings is gemaak nie.
Bronne: SAPS
