Twee mans, onderskeidelik 31 en 42 jaar oud, is vanoggend vroeg omstreeks 04:00 in die Vrystaat deur die Trompsburg-blitspatrollie op die N1 met sakke vol perlemoen vasgetrek.
Sers. Martin Xuma, polisiewoordvoerder, sê die twee mans is in “besit” van perlemoen gevind.
Na bewering het blitspatrollielede ‘n stop-en-deursoekoperasie uitgevoer toe hulle ‘n wit Toyota Hilux-bakkie met ‘n kappie onderweg na Bloemfontein voorgekeer het.
Tydens deursoeking is 53 swart sakke gevul met perlemoen gevind.
Die twee verdagtes sal na verwagting binnekort in die Trompsburg-landdroshof verskyn.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
