‘n Veelvuldige voertuig-botsing het Saterdagaand in Port Edward, KwaZulu-Natal plaasgevind wat lewensverlies en beserings tot gevolg gehad het.
Volgens Med-Evac Ambulance Services is ‘n voetganger noodlottig beseer.
“n Sekondêre botsing tussen ‘n bakkie en ‘n polisievoertuig wat individue van ‘n fasiliteit in Port Shepstone vervoer het, het vervolgens plaasgevind.
Twee persone het aan hul beserings gesterf. Nog twee persone is kritiek en nog twee ernstig beseer, terwyl nog ander matig tot geringe beserings opgedoen het.
Alle beseerdes is op die toneel behandel voordat hulle deur verskeie nooddienste na mediese fasiliteite geneem is.
‘n Gespesialiseerde Netcare-helikopter-ambulans met ‘n span hoogs bekwame noodsorgpraktisyns is deur Med-Evac Ambulance Services geaktiveer om ‘n beserde na ‘n hoësorgfasiliteit te neem.
Die vinnige optrede en professionalisme van die nooddienste op die toneel is geprys.
Die ambulansdiens maan padgebruikers om versigtig op paaie te wees en padwette te gehoorsaam om veiligheid vir hulself en ander te verseker.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
