Die publiek se bystand word gevra om die vermiste 17-jarige Asanda Ngwane op te spoor nadat sy Woensdag haar woning verlaat het “om ekstra klasse by te woon”.
Ngwane woon volgens Reaction Unit South Africa (Rusa) in Mhlasini. Sy is ‘n matriekleerling by Glenhaven School in Brindhaven, KZN.
Haar gesin het volgens Rusa bevestig dat sy Woensdag nie by die skool opgedaag het nie. Daar is inligting ontvang dat sy by ‘n vriendin gestop het om ander klere aan te trek voordat sy gaan kuier het.
Sy het ‘n dag nadat sy weg is met haar vriend op Facebook gesels. Sy het gesê dat sy dagga gerook het en aan die slaap geraak het. Sy het verder gesê dat sy bang was om terug te keer huis toe, aangesien haar ouers haar vir haar optrede sou berispe. Tydens haar gesprek het sy haar vriendin meegedeel dat sy van plan is om selfdood te pleeg. Pogings om haar daarna te kontak, was onsuksesvol.
As iemand inligting oor Ngwane het, kontak asseblief Rusa by 086 1234 333.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
