Lees ook: Nog ’n tradisionele leier in KZN doodgeskiet
’n Bruid en haar skoonma was in die hof toe die skoonma die bruid se huwelik met haar nou oorlede seun probeer ongeldig verklaar het. Die bruid het gewen en die skoonma moes haar regskostes betaal.
Mandy Ntuli het ’n aansoek van die hooggeregshof in KwaZulu-Natal gekry wat die departement van binnelandse sake beveel om haar huwelik met Thokozani Khumalo te registreer. Sy ma, Bertina Khumalo, het egter die hof gevra om die aansoek om te keer en het gesê haar seun was nie getroud met Mandy nie.
Ntuli het vir die hof gesê sy en Khumalo was vanaf 2015 in ’n verhouding, maar hy is in Februarie 2021 oorlede slegs ’n jaar na hulle troue. Hulle kon nie hulle huwelik registreer nie oor die Covid-19-inperking. Sy het volgehou dat dit ’n geldige tradisionele verbintenis was en dat dit so deur die departement van binnelandse sake geregistreer moet word.
Sy het verduidelik dat hulle in 2020 tradisioneel getrou het na die lobola afgehandel is, maar dat sy familie nie betrokke was nie, want hy het nie ’n goeie verhouding met hulle gehad nie. Die paartjie het van toe af saamgebly tot hy oorlede is.
Die skoonma het ontken dat haar seun met Ntuli getroud was en dat hulle saamgebly het en selfs dat Ntuli by sy begrafnis was as sy weduwee.
Die hof het beslis Ntuli en Khumalo was tradisioneel getroud, met die bewys dat hulle saamgebly het. Dit het die skoonma se eis van die hand gewys en haar beveel om die regskostes te betaal.
Bronne: IOL, VN Explorer, Soeknet, Flipboard
