Lees ook: Gerhard Ackerman se borgtog teruggetrek
Die prokureur vir die beweerde kinderseksringbestuurder Gerhard “Gerrie” Ackerman het Dinsdag in die Johannesburgse hooggeregshof gesê sy kliënt is glo van plan om skuld te erken op sommige van die aanklagtes teen hom.
Ackerman het verlede maand onskuldig gepleit op 740 aanklagtes, insluitend verkragting, poging tot moord, verspreiding en vervaardiging van kinderpornografie en mensehandel.
Ackerman se prokureur het gesê hy sal met sy kliënt sit en van die dinge wat hy sal erken, aanteken.
Dit volg na ’n ma se getuienis dat haar kind Ackerman glo in die aantrekkamer van ’n swemskool in Sandringham, Johannesburg gekry het waar hy homself bevredig. Sy het vertel dat haar seun ná sy swemles wou gaan aantrek, maar dat hy vinnig uitgekom het en vir haar gesê het daar is ’n man wat met sy selfoon sit terwyl hy homself bevredig. Sy het vertel dat sy hulp gaan soek het, maar die man was weg toe hulle teruggaan.
Die saak sal Vrydag voortgaan.
Bronne: The Citizen, Newtwerk24
Lees ook: Gerhard Ackerman se borgtog teruggetrek
