Paul Colmer, uitvoerende bestuurskomiteelid van die Wireless Access Providers’ Association (WAPA), het in ’n verklaring gesê dat beurtkrag internettoegang in Suid-Afrika bedreig, en dat daar niks is wat verbruikers daaraan kan doen nie.
“Die voortslepende kragkrisis het begin om een van die fundamentele dryfvere van Suid-Afrika se digitale ekonomie te bedreig: internettoegang,” sê Colmer.
