Ongeveer 36 minute gelede is geplaas dat baba Malann sy oë vir die eerste keer in twee weke oopgemaak het toe Dodo Nyoka sy ouers gebel het.
“My hart loop oor van vreugde.”
Sy ouers het dank betuig aan Dodo Nyoka, Devon Hofmeyr en Nikita, Hemelse Pêrels NPC en elke persoon wat betrokke is om hul baba te help.
“Dankie Pappa Jesus vir ons lyfie.”
Vroeër vandag was hy nog baie geswel.
FiND It het gister berig dat dokters nie meer vir hom iets kon doen nie, dat hy breindood is en daar was sprake om sy masjiene af te skakel. Hy is vir die afgelope week in die baba intensiewesorg-eenheid van ‘n staatshospitaal waar geen antwoorde is waarom sy liggaam besig is om te faal nie.
Gedurende dié tyd het sy hart twee keer gaan staan en hy het opgehou asemhaal, maar hy kon gelukkig weer bygebring word. Hy is steeds op ‘n ventilator en sy suurstof is opgestel na 65. Daar is probleme met sy hart en niere en hy het boonop longontsteking.
Die babaseun kort steeds dringende fondse om hom na ‘n privaat hospitaal oor te plaas omdat hy nie aan ‘n mediese fonds behoort nie. Sy ouers kort R200 000 waarvan nog net R40 000 ingevorder is.
“Hy haal vandag mooi asem, maar sy bloed speel rond en as gevolg van alles oorwerk sy hart. Sodra die dokter kom, laat weet ek wat aangaan.”
Vir donasies kontak of Hemelse Pêrels NPC op 078 462 8503 of kyk vir besonderhede vir Ons Doen Fonds op Devon Hofmeyr se Facebook-blad.
Hier is die plasing hoe sy gesondheidstoestand begin het:
Ons klein lyfie Malann is vreeslik siek. Dit het met ‘n gewone verkoue begin. Ons het hom vandag 3 weke terug Medicross toe geneem. Dokter het hom antibiotika en kortisoon gegee.
Hy het nie beter geword nie.
Ons het hom die Dinsdag teruggeneem hulle het X-strale geneem en gesien hy het bietjie infeksie in die longe. Dokter het gesê ons moet net aanhou met sy medikasie. Saterdag het Malann begin opswel ons is apteek toe en dadelik opgehou met sy medisyne. Apteker gee toe iets vir slym ons probeer dit. Hy begin toe drink en eet ( hy eet vaste kos en drink tee, want hy is allergies vir enige suiwel) hy eet min maar elke paar happies maak ons hartjies bly. Maandagaand sukkel hy vreeslik om asem te haal en ons jaag Sunward Park-hospitaal toe. Sy suurstof levels is te laag en hulle sit hom op suurstof. Dok sê hy gaan niks doen nie, hy stuur ons Vosloorus-staatshospitaal toe. Daar gekom, 10-uur die aand trek hulle bloed. Trek urine met ‘n naald uit sy blaas, 8 uur word baba opgeneem in die saal. Van daar af word al wat ‘n toets gedoen. Hulle doen ‘n lumber punch en trek weer urine.. Hy het intussen begin fits kry. Hulle het hom ‘n tube In sy maag ingesit om hom melk te gee (nadat ons gesê het hy is allergies) hy begin toe weer erger swel. Niemand kan ons die uitslae gee van nie een van die toetse wat gedoen is nie, hy lê al amper ‘n week daar en hy word nie beter nie. Hulle het net gesê dat hy nou longontsteking het. En ‘n erg infeksie in sy liggaam het en dat sy bloed weggestuur is om te sien waar infeksie vandaan kom.. Maar Malann gaan net agteruit vir ons. En om als erger te maak mag net mamma daar wees en hulle laat nie toe dat ons haar aflos nie. En emosioneel maak dit mens dood. Veral as hulle jou baba 7 keer probeer drip insit in sy kop.
Bid asb. dat hulle ‘n ICU bed kan kry vir Malan asb. bid saam my. Dr. sê nou sy niere trek ook swaar hy moet op ‘n ventilator kom, maar is nie ‘n ICU bed beskikbaar nie .
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
