Saterdag om 13:30 het Titanium Securitas Medical Response ‘n oproep ontvang van ‘n ernstige motorvoertuigbotsing op die N1 tussen Klapmuts en Klipheuwel buite Kaapstad.
Verskeie dienste is na die toneel om te help.
Met hul aankoms is verskeie pasiënte op die toneel gevind met beserings wat wissel van gering tot kritiek. Ongelukkig het een pasiënt reeds met nooddienste se aankoms aan sy beserings beswyk.
Twee pasiënte was steeds in die taxi vasgekeer.
Metro Rescue het saam met Fire and Rescue reddingskake gebruik om die twee pasiënte te bevry.
Sodra medici van buite gewerk het om die twee pasiënte te stabiliseer, is bevind dat een in ‘n kritieke toestand was en ‘n besluit is geneem om die Air Mercy-diens te aktiveer om die pasiënt na ‘n traumafasiliteit te vlieg vir verdere mediese behandeling.
Plaaslike owerhede was op die toneel om ‘n volledige ondersoek na die saak in te stel. – AfriNUUS
