Die Johannesburg hooggeregshof het Maandag gehoor hoe Gerhard Ackerman glo geld gemaak het deur ’n kinderseksring te bestuur en kinders seksueel uit te buit.
Ackerman het in die hof verskyn om te pleit op meer as 700 aanklagtes teen hom, wat verkragting, die maak en versprei van kinderpornografie en mensehandel insluit.
Sy mede-beskuldigde, prokureur en menseregteaktivis Paul Kennedy, het in 2022 selfdood gepleeg.
Ackerman word beskuldig daarvan dat hy seuns, soms so jonk as 14, gelok het om seksuele dade op Kennedy en ander mans vir ’n fooi uit te voer.
Ackerman het onskuldig gepleit op 700 aanklagte. Die saak is tot Dinsdag uitgestel wanneer hy op nog 30 aanklagtes gaan pleit.
Bronne: EWN, IOL
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: ANC-parlementslid sê hy sal met polisie saamwerk om regte moordenaar te vang
