‘n Man in sy laat dertigs is Maandag tydens ‘n welstandsbesoek in Mhlasini KZN ontdek waar hy in sy kamer gehang het.
Reaksie-eenheid Suid-Afrika (Rusa) het omstreeks 07:54 ’n oproep om bystand ontvang nadat inwoners deur die oorledene se venster geloer het en hom aan ’n dakbalk sien hang het.
Reaksiebeamptes is dadelik uitgestuur en met hul aankoms ingelig dat bure die deur en veiligheidshek oopgedwing het. Paramedici het die oorledene se kamer binnegegaan en hom in ‘n toestand van rigor mortis gevind.
Volgens vriende en familie is die oorledene omstreeks 01:00 vanoggend laas lewend gesien.
Omstandighede wat tot die selfdood gelei het, is nie onmiddellik vasgestel nie.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
