Nog Twitter-ingenieurs het Vrydag bedank na Elon Musk ’n ultimatum gestel het dat werknemers moet belowe om “hardcore” werk te doen of die maatskappy verlaat.
Reuters het Donderdag berig dat sekuriteitswagte mense uit die San Franciso-kantore begin skop het, selfs terwyl Musk senior werknemers probeer oortuig het om te bly.
Sommige van die werknemers het op Twitter gesê dat hulle eerder die maatskappy gaan verlaat as om uit te vind wat Musk bedoel met “hardcore” werk. Hulle het gesê sy e-pos het lang ure van hoë intensiteit werk voorgestel.
Musk en sy span was ook so bang dat werknemers die maatskappy sal saboteer dat die deure gesluit word vir die naweek.
Bronne: DW – South Africa, Sky News, The National News
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Elon Musk dank glo omtrent 20 werknemers af wat hom kritiseer
