’n Forensiese patoloog het tydens ’n geregtelike doodsondersoek ná die dood van die struggle- Moslem geestelike en anti-apartheidsaktivis, Imam Abdullah Haron, gesê sy het verskeie prosedurele onreëlmatighede in Haron se nadoodse ondersoek in 1970 geïdentifiseer. Die heropening van die doodsondersoek duur voort in die hooggeregshof in Kaapstad.
Dr. Itumeleng Molefe sê die chronologie van gebeure wat tot Haron se dood gelei het, maak nie sin nie.
Imam Haron is in Mei 1969 in hegtenis geneem en in Kaapstad aangehou. Hy is ná 123 dae in aanhouding dood in sy sel by die Maitland-polisiestasie gevind.
Bevindinge van die eerste geregtelike doodsondersoek in 1970 toon dat die oorsaak van dood toegeskryf kan word aan beserings opgedoen tydens ‘n beweerde val en ‘n harttoestand.
Molefe sê egter die beserings wat tydens die nadoodse ondersoek aan sy liggaam gevind is, stem nie ooreen met die weergawe van gebeure rondom Haron se dood wat deur die apartheidsveiligheidspolisie ingedien is nie.
“Daar is geen rede om te glo dat enige van daardie kneusplekke dui op trauma wat êrens anders toegedien is, wat net toevallig iewers anders op die liggaam verskyn het nie. Die kneusplekke soos ons dit hier sien, verteenwoordig direkte trauma na die gebiede waar ons dit werklik sien.”
Molefe sê sy glo Haron se klagtes oor die pyn en lyding waarin hy was, is ondergerapporteer en onderskat. Sy sê die trauma wat hy opgedoen het, kon deur aanranding veroorsaak gewees het terwyl hy aangehou is.
“Hierdie kneusplekke, die rooi kneusplekke wat op die bene is en die hematoom wat op die lae rug gevind is, wat weereens my heer, ons het gesê kon veroorsaak gewees het deur aanranding met, as ek aan ‘n instrument sou dink, sou ek dink ’n knuppel.”
Die hof het vroeër van ‘n lugvaartingenieur gehoor dat beserings wat deur die Imam opgedoen is wat in die nadoodse ondersoekverslag weerspieël word, nie strook met die weergawe van ‘n val van ‘n trap af wat destyds deur die apartheidsera se veiligheidstak van die polisie gegee is nie.
Bronne: SABC, IOL
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Nuwe geregtelike doodsondersoek vir Imam Abdullah Haron geloods
