Volgens die Duitse polisie is ‘n liggaam in die landingstoerusting van ‘n vliegtuig wat van Tehran na die Frankfurt-lughawe gevlieg het, gevind.
Volgens die Duitse koerant, Bild, het die vliegtuig – wat aan Lufthansa behoort – vroeg Donderdagoggend in Tehran opgestyg.
Die polisie het gesê die lughawe se grondpersoneel het die liggaam, wat dié van ‘n verstekeling mag wees, gevind terwyl hulle instandhoudingswerk gedoen het.
Die Duitse plaaslike uitsaaier Hessenschau het berig die werk was al vier uur aan die gang voordat die liggaam gevind is.
Die polisie het nie die oorsprong van die liggaam bevestig nie en ook geen besonderhede oor die identiteit van die individu verskaf nie.
Die Duitse persagentskap DPA het gesê die ooreenstemmende vlug wat vir Vrydagoggend beplan is, is gekanselleer.
Bronne: DW – South Africa, Times of Man, Tellerreport
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
