Dit is met groot hartseer en bekommernis dat Laerskool Roodekrans bekendmaak dat hul adjunk-hoof, Ian Flemming, sedert vanoggend Woensdag 26 Oktober vermis is.
Die skool het dié nuus op hul Facebook-blad gedeel.
Hy is laas by sy huis op Krugersdorp gesien. Flemming het bruin hare, bruin oë en is ongeveer 1.8 m lank. Hy het ‘n medium liggaamsbou en geen tatoeëermerke of ander uitkenbare letsels nie.
Dit is onbekend watter klere hy gedra het ten tyde van sy verdwyning.
Hy ry ‘n wit Bantam-bakkie met die registrasienommer YPB 957 GP.
