Vanaf 1 September tot 30 September 2022 het speurders van die KwaZulu-Natalse eenheid vir gesinsgeweld, kinderbeskerming en seksuele misdrywe (FCS unit) 491 verdagtes gearresteer vir misdade soos verkragting, ontvoering, poging tot moord, aanranding met die doel om ernstig te beseer, kinders se liggaamlike verwaarlosing en onsedelike blootstelling.
Gedurende hierdie tydperk is 37 skuldigbevindings deur verskeie spanne in die provinsie verseker.
Dit het nege lewenslange vonnisse en 260 jaar tronkstraf ingesluit vir ‘n aantal beskuldigdes wat in verskeie howe in die provinsie verskyn het.
Aangesien meer sake in die hof hangende is, is dit seker dat baie ander beskuldigdes vonnisse sal ontvang wat as ‘n les sal dien vir ander wat vroue en kinders in die provinsie wil mishandel.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
