‘n Brasiliaanse paar wat ‘n waterval gekleur het vir hulle gender reveal-partytjie word ondersoek omdat hulle Brasilië se federale omgewingswet oortree het.
Die ondersoek sal bepaal watter boetes en fooie van toepassings is, maar dit kan tot R166k skadevergoeding beloop. Die familielid wat die waterval gekleur het, word aangekla van skade aan die omgewing, het die omgewingsbeskermingsagentskap (Sema) aan The Washington Post gesê.
Die waterval verskaf water aan die Queima-Pé-rivier wat water aan die dorp, wat al vir jare lank sukkel met ‘n droogte en staat maak op die rivier vir water, verskaf.
Sema, wat dadelik oor die partytjie gewaarsku is, het Maandag ‘n span ondersoekers gestuur om monsters van die waterval te versamel, wat “geen verandering in die water se fisiese parameters, soos kleur en ander, en geen spoor van plaaslike vissterftes gevind het nie,” het Sema gesê.
Die ondersoek is egter steeds aan die gang. Hulle word bygestaan deur Mato Grosso se openbare ministerie, het die staatsvlak wetstoepassingsagentskap aan The Post gesê.
Alhoewel dit nie gelyk het of die water se kwaliteit onmiddellik verander is nie, het die agentskap gesê om ‘n stof in die water te stort, is ‘n oortreding.
Bronne: IOL, Sport Far Jam
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Paar gekritiseer na hulle waterval blou kleur vir ‘gender reveal’
