‘n Gebou op die hoek van Plein- en Victoriastraat in Woodstock het vroeër vanaand ontplof, aldus JP Smith, tussentydse adjunk-leier van die DA in die Wes-Kaap.
“Die ontploffing het ‘n brand veroorsaak, waarna verskeie sekondêre ontploffings gevolg het.”
Kaapstad se brandbestryding- en reddingspanne het na die toneel gehaas.
“Verskeie beserings is in dié stadium aangemeld.”
Talle nooddienste is op die toneel met paaie wat toegemaak is om die area rondom die ontploffing te beveilig.
“Die oorsaak van die ontploffings is in hierdie stadium onbekend, dit is ‘n aktiewe toneel.”
Soos wat besonderhede van die ontploffing bekend word, sal dit bekendgemaak word.
Smith het om 21:50 inligting opdateer dat twee mans, wat met kode rooi triage geïdentifiseer is, met brandwonde van tussen 70 en 100% van hul liggame na die Groote Schuur-hospitaal gehaas is.
“Die brand is geblus, maar spanne op die toneel wag vir die aankoms van ‘n bouinspekteur.”
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
