Die ministerie van Uganda het verklaar dat daar ‘n Ebola-uitbraak is nadat ‘n 24-jarige man van die sentrale Mubende-streek, wat simptome getoon het, gesterf het.
Die WGO se Afrika-kantoor het in ‘n verklaring gesê die geval is van die relatief seldsame Soedan-stam van die virus. Die geval is bevestig nadat Ugandese gesondheidsowerhede vandeesmaand ses verdagte sterftes in die distrik ondersoek het.
“Daar is tans agt vermeende gevalle wat behandeling in ‘n gesondheidsfasiliteit ontvang,” het WHO Africa gesê en bygevoeg dit help Uganda se gesondheidsowerhede met hul ondersoek en die ontplooiing van personeel na die geaffekteerde gebied.
‘n Kind wat die hoogs aansteeklike Ebola-agtige Marburg-virus in Ghana opgedoen het, is dood, het ‘n amptenaar van die Wêreldgesondheidsorganisasie Dinsdag gesê.
Bronne: IOL, CNN
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Geel vlak 2-weerwaarskuwing uitgereik vir KwaZulu-Natal
