Die toestaan van mediese parool vir oudpresident Jacob Zuma op 5 September 2021 is op 15 Desember 2021 deur die Noord-Gautengse Hooggeregshof tersyde gestel ná regstappe wat deur die Demokratiese Alliansie (DA) geneem is.
’n Sitting van die Hoogste Hof van Appèl om Zuma se mediese parool-appèl aan te hoor, vind môre in Bloemfontein plaas.
Ryan Smith, woordvoerder vir die DA, sê die DA wil verseker dat die reg in die saak gehandhaaf word en dat Zuma sy 15 maande tronkstraf vir minagting van die hof uitdien in die aanloop tot sy korrupsieverhoor in die hooggeregshof in Pietermaritzburg op 17 Oktober, 2022.
John Steenhuisen, leier van die DA, Roy Jankielsohn, die Vrystaatse provinsiale leier van die DA, asook Cilliers Brink, die DA se skaduminister vir samewerkende regering en tradisionele sake, sal die verhoor bywoon.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
