Die polisie en ander nooddienste is steeds op die toneel waar die skiet van ’n musiekvideo Vrydag vreeslik skeefgeloop het. ’n Groep van sowat 20 gewapende boewe het die stel bestorm.
Die 20 mans wat Basoeto-komberse en klapmusse gedra het, het na bewering verskeie skote in die lug afgevuur terwyl hulle almal beveel het om te gaan lê.
Brenda Muridili, polisiewoordvoerder, sê ’n produksiemaatskappy was Donderdag besig om ’n musiekvideo te skiet toe hulle deur ’n groep gewapende mans aangeval is.
Die mans het na bewering verskeie skote in die lug afgevuur en almal beveel om te gaan lê voordat hulle die vroue in nabygeleë bosse verkrag het.
“Agt van die slagoffers is na bewering deur die verdagtes verkrag voordat hulle van hul besittings beroof is,” sê Muridili.
Elias Mawela, provinsiale polisiekommissaris, het die maksimum hulpbronne gemobiliseer om die oortreders op te spoor.
Bronne: MSN, The South African
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Eersterust-onderwyser van aanranding van leerders aangekla
