Wildbewaarder Anton Mzimba, wat deur die jare stropery beveg het om wild veilig te hou, is Dinsdag vandeesweek buite sy huis doodgeskiet.
Besonderhede rondom die skietery is in hierdie stadium onduidelik en die polisie moet nog bevestig wat gebeur het.
Die 42-jarige Mzimba was die hoof van veldwagterdienste by Timbavati Private Nature Reserve, waar hy 25 jaar lank gewerk het.
Die natuurreservaat het gesê hy werk met owerhede saam, maar “die reservaat moet in hierdie stadium vertroulik bly oor die besonderhede.”
Soos berig deur News 24, het Timbavati gesê Mzimba het sy lewe gewy aan “die beskerming van ‘n spesie wat geen eie stem het nie, en die opheffing en inspirasie van die mense wat hy geweet het sy ondersteuning nodig het”.
Helping Rhinos het gesê sy moord Dinsdag “volg op onlangse doodsdreigemente en beklemtoon die daaglikse bedreiging wat deur veldwagters in die gesig gestaar word”.
Die VK se prins William, wat in November met Mzimba gepraat het, het gesê hy is “baie hartseer”.
“Toegewyd en dapper, veldwagters soos Anton is sentraal tot die bewaring van Afrika se fantastiese natuurlewe. Diegene wat verantwoordelik is moet vinnig voor die gereg gebring word. My gedagtes is by sy familie,” het die koninklike gesê.
Bronne: MSN, Times LIVE, News24
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Lindiwe Sisulu wil hê skole moet ‘50% swart, 50% wit’ wees
