Petrol is duur, die duurste wat dit nog ooit was. Daar is egter goeie nuus. Data dui daarop dat Suid-Afrikaners Woensdag minder vir petrol sal hoef te betaal.
Die departement van minerale bronne en energie het gesê daar sal ‘n daling in die brandstofprys wees.
‘n Tydelike verlaging in die algemene brandstofheffing van R1,50 per liter is ingestel vanaf April 2022 tot Julie 2022. Dit is toe verminder na 75c per liter vanaf Julie 2022 tot Augustus 2022.
Die departement verduidelik: “Ten spyte van hierdie uitstel wat op 2 Augustus 2022 tot ’n einde gekom het, kan die departement bevestig dat daar steeds ’n aansienlike verlaging in brandstofpryse, insluitend vir paraffien, vir Suid-Afrikaners sal wees”.
Die departement het bygevoeg dat ‘n formele aankondiging oor die brandstofprysaanpassings teen die einde van die week gemaak sal word. Een aspek wat die aankondiging deur die departement sal beïnvloed, is die laer prys van brent-ru-olie per vat.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
