Twee voedseldienshulppersoneellede is met gesteelde kruideniersware, bedoel vir ‘n hospitaal, in hul kattebak op Tzaneen gevind.
Die twee werk by Letaba-hospitaal, maar is gou in hegtenis geneem nadat die gesteelde kruideniersware in hul besit gevind is.
Volgens die departement van gesondheid in Limpopo is die pakke kruideniersware uit die Letaba-hospitaal se kruideniersware-stoorplek gesteel, het woordvoerder Thilivhali Muavha gesê.
Terwyl hulle die hospitaal ná ‘n nagskof verlaat het, is die twee voedseldienshulppersoneellede en die voertuig waarin hulle gery het, deur veiligheidswagte by die hek deursoek. Die veiligheidspersoneel het pakke kruideniersware in die motor se kattebak gevind.
“Die polisie is dadelik ontbied en die twee amptenare is nog daardie oggend gearresteer,” het Thilivhali Muavha gesê. Dr. Phophi Ramathuba, LUR vir gesondheid in Limpopo, het die veiligheidswagte geprys.
“Ons departement werk met ‘n karige begroting soos dit is. Ons kan nie bekostig om lekkasies van hulpbronne te hê wat veroorsaak word deur onetiese en swak gedissiplineerde personeel nie. Ons wil dus die sekuriteitspersoneel prys wat hul werk sonder vrees of guns gedoen het,” het Ramathuba gesê.
Bronne: MSN, The South African, IOL
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
