Khayalethu Magadla was ‘n modelseun, het Kholekile Magadla in sy lofrede vir sy tweedegebore kind op Vrydag 8 Julie by sy gedenkdiens gesê.
Terwyl roubeklaers na meer as drie weke se soek op pad was na die nou toegemaakte mangat waarin die sesjarige Khayalethu Magadla verdwyn het, het hulle Baba kulungile makuyintando yakho gesing [Dit is goed Vader, as dit U wil, Almagtig is).
Die somber oomblikke aan die begin van die gedenkdiens het gepaard gegaan met trane van familie, vriende en Soweto-gemeenskapslede.
Kholekile Magadla, Khayalethu se pa, het aan honderde rouklaers by die gedenkdiens in Dlamini, Soweto, gesê: “Die stad Johannesburg het my seergemaak met hul nalatigheid wat my seun se lewe geëis het … en hulle het die vermetelheid gehad om met ‘n sak aartappels te kom en kool om my en my gesin aan te bied voordat ons eers my seun kon kry. Op dieselfde dag het hulle die soektog na my seun kom begin, Joburg Water het die mangat wat al twee jaar oop was toegemaak. En dit het baie seergemaak … Dit het my seun se lewe geneem vir ‘n diens om [gelewer] te word”.
“Ek moes skenkings van mense en plaaslike besighede vra. Ek is deur die gemeenskap bygestaan en ek het geen vorm van hulp van die Stad Joburg of Johannesburg Water ontvang nie,” het Magadla bygevoeg.
Tydens die eerste deel van die seremonie is 20 wit duiwe vrygelaat. Die tweede deel van die program het binne ‘n wit markiestent by die park plaasgevind.
Khayalethu se liggaam is Saterdag 2 Julie om 12:00 uit ‘n gesplete kamer naby die watersuiweringsaanleg in Eldorado Park gehaal.
Hy is laas op 12 Junie gesien hoe hy saam met vriende in ‘n park speel.
Nolwando Ngxanga, Khayalethu se ma, het hom as ‘n sagte siel en ‘n gewilde kind beskryf. “Ek is nie verbaas oor die baie mense wat uitgekom het om afskeid te neem van ons seun nie … Hy was ‘n mense-mens: geliefd en gekoester deur baie in ons gemeenskap. Hy het ons harte en ons huis gevul met soveel vreugde en lag. Die huis is leeg sonder hom … ons is leeg sonder hom. Dit is moeilik om sonder hom klaar te kom, maar ons probeer almal ons bes,” het Ngxanga gesê.
“Die munisipaliteit het my mishandel, hulle het my seun … van my gevat deur ‘n gat wat hulle nie toegemaak het nie. Ek het die afgelope twee weke gehuil, en nou is ek klaar en gereed om te veg. Lala ngoxolo mtanami [slaap lekker baba].”
Mabine Seabe, woordvoerder van die burgemeester, het gereageer op Magadla se bewerings dat die Stad Johannesburg nie die familie gehelp het om te betaal vir die gedenkdiens en begrafnis, wat nog in die Oos-Kaap gehou gaan word nie. Hulle het gesê hulle het in die afgelope drie weke kruideniersware aan die familie verskaf en was nog besig om ander skenkings te finaliseer.
“Ongelukkig laat die Stad se beleid ons nie toe om te help met [‘n] begrafnis wat buite die jurisdiksie van die stad plaasvind nie.
Bronne: Daily Maverick, Cape Talk, MSN
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
