Dit was omtrent ‘n naelbyt affêre toe die Springbokke Saterdag op Loftus teen Wallis gespeel het en in die laaste minute ‘n strafskop gekry het wat hulle net-net met 32 – 29 laat wen het.
Hierdie naweek pak dié twee spanne mekaar weer in Bloemfontein.
Die Springbok-afrigter, Jacques Nienaber, het die kaptein Siya Kolisi en die losskakel Elton Jantjies uitgelaat toe hy die spelers aangewys het vir hul tweede toets teen Wallis Saterdag in die Toyota-stadion in Bloemfontein.
SA-span: 15 Warrick Gelant, 14 Kurt-Lee Arendse, 13 Jesse Kriel, 12 Andre Esterhuizen, 11 Aphelele Fassi, 10 Handre Pollard (kaptein), 9 Jaden Hendrikse, 8 Evan Roos, 7 Pieter-Steph du Toit, 6 Marcell Coetzee, 5 Marvin Orie, 4 Eben Etzebeth, 3 Trevor Nyakane, 2 Joseph Dweba en 1 Thomas du Toit.
Plaasvervangers: 16 Malcolm Marx, 17 Ntuthuko Mchunu, 18 Vincent Koch, 19 Ruan Nortje, 20 Rynhardt Elstadt, 21 Deon Fourie, 22 Grant Williams en 23 Damian Willemse.
