Die tweemalige Olimpiese gouemedaljewenner Caster Semenya en haar vrou, Violet Raseboya, het hul tweede bondeltjie vreugde in die wêreld verwelkom.
Semenya het Sondag 26 Junie ‘n blik op die baba se voete op Twitter gedeel met tweeps wat gelukwensingsboodskappe op die plasing gelaat het.
Semenya het in Julie 2021 ‘n Instagram-plasing gedeel wat aangekondig het sy en haar vrou, Violet, verwag hul tweede kind saam.
Op die foto poseer die middelafstand-hardloper, haar vrou, Violet, met haar bababoepie, en hul oudste dogter vir ‘n foto.
“Met liefde en genade groei ons gesin. Hierdie kosbare siel waarmee God besluit het om ons mee te seën. Ons almal kan nie wag om JOU te ontmoet nie!” het Semenya geskryf.
Die 31-jarige atleet het die eerste foto van hul pasgebore baba op 26 Junie gedeel. Haar tweeps was gaande daaroor. Semenya het die foto die byskrif van “Joy” gegee.
Bronne: MSN, The Citizen, Instagram
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
Lees ook: Jaco Swart na bewering ‘agt dae lank vermis’ – vriende vrees vir sy lewe
