Twee vlieëniers is dood nadat hul vliegtuig die naweek in Kinkelbos in die Oos-Kaap neergestort het.
Die mans, onderskeidelik 25 en 33 jaar oud, het Sondag omstreeks 18:15 vanaf Dawid Stuurman-lughawe op pad na Oos-Londen vertrek.
Hulle het die vliegtuig by Kenton-on-Sea omgedraai en teruggevlieg na Gqeberha voordat hulle neergestort het.
Priscilla Naidu, woordvoerder van die Oos-Kaapse polisie, sê die vliegtuig is deur middel van lugsig in bosse op ‘n plaas in Kinkelbos opgespoor.
“Twee vlieëniers is dood nadat hul ligte vliegtuig Saterdagnag op ‘n plaas in Kinkelbos neergestort het. Omstreeks 20:07 het kommunikasie met die vliegtuig verlore gegaan en omstreeks 22:00 is die SAPD se soek-en-reddingspan insluitend die duikeenheid en Gqeberha K9-eenheid gemobiliseer om na die vermiste vliegtuig te soek. Die soektog is om 02:30 laat vaar en om 07:00 hervat. Die reddingspan is bygestaan deur die SA Lugmag en die Bergklub van SA,” het Naidu gesê.
Albei vlieëniers is op die toneel dood verklaar.
“Die polisie ondersoek ‘n geregtelike doodsondersoek. ’n Nadoodse ondersoek sal gedoen word om die oorsaak van hul dood te bepaal. Die oorsaak van die ongeluk sal deur burgerlugvaartowerhede ondersoek word,” het Naidu gesê.
Bronne: MSN, Algoa FM
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
Lees ook: Amerikaanse firmas belowe om personeel se reiskoste vir aborsies te betaal
