Die kouefront wat Sondag en Maandag in die Wes-Kaap geval het, beweeg na die oostelike dele van die land. Die volgende provinsie op sy lys is die Oos-Kaap.
Die Suid-Afrikaanse Weerdiens (SAWD) het vanaf Woensdag 15 Junie ‘n aantal Geel Vlak 2-waarskuwings vir ontwrigtende sneeu in die provinsie uitgereik.
Die weerwaarskuwings is volgens die SAWD van krag vanaf middernag tot Woensdag 18:00..
Die weerdiens het gesê die ophoping van sneeu sal na verwagting tot die dood van kwesbare vee lei. Daar kan ook gelokaliseerde ontwrigting van dienste wees en sommige bergpasse kan vir ‘n kort tydperk gesluit wees.
“Sneeusmelting kan ook gladde rytoestande tot gevolg hê,” het die weerdiens bygevoeg.
Inwoners in die geaffekteerde gebiede word aangemoedig om warm aan te trek en indien moontlik hoë bergpasse te vermy.
Kleinveeboere word aangemoedig om hul diere te skuil.
“Maak kontak met jou naaste rampbestuurder of gemeenskapsleier en bly na die radio luister vir opdaterings,” het SAWS gesê.
Die geaffekteerde munisipaliteite sluit in Dr. Beyers Naude – Graaff-Reinet, Inxuba Yethemba / Cradock, Enoch Magijima – Komani / Komani/Queenstown, Emalahleni / Lady Frere, Walter Sisulu – Jamestown, Senqu / Barkly-Oos, Elundini / Nqanqarhu/Maclear / Mount Umzimvabubu. Ayliff en Matatiele.
Bronne: MSN, The Citizen
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
