Nadat daar die afgelope naweek ‘n pornografiese foto op Rassie Erasmus, direkteur van SA rugby, se Twitter-rekening verskyn het, sê SA Rugby sy rekening is gekaap.
Dié twiet was vir ‘n geruime tyd op sy rekening nadat hy glo gesukkel het om dit te verwyder.
Erasmus het intussen om verskoning gevra vir “daardie onvanpaste twiets!!” en gesê sy rekening is gekaap.
“Regtig jammer daaroor!! Ek probeer dit uitsorteer!!!
“Ouens die kuberkrakers wat vroeër getweet is, steeds geretweet word en verskyn steeds op sommige plekke, hoewel dit aan my kant uitgevee en gerapporteer is. Hopelik sal my rekening binnekort gesorteer word,” het hy voortgegaan.
Hy het later die mense bedank vir hul raad om die retwiet ongedaan te maak.
“Dit word op my rekening uitgevee, maar ek het dit nie geretweet nie!! Die oomblik wat ek uitvee, duik dit weer iewers anders op! Waardeer die concern.”
SA Rugby het Sondag ’n verklaring uitgereik oor Erasmus se rekening wat gekaap is.
“Rassie Erasmus, SA Rugby se direkteur, het bevestig dat sy Twitter-rekening, @RassieRugby, gekaap is en dat hy nie meer toegang tot of beheer oor die rekening het nie,” het hulle gesê.
“Die kwessie is by Twitter aangemeld en sal hopelik vinnig opgelos word. Enige inhoud wat onder die bio verskyn, moet tot verdere kennisgewing geïgnoreer word aangesien dit deur kwaadwillige kuberkrakers gedoen word.”
