Die finansiële kenners van Price Waterhouse Cooper (PWC) sê hulle is in kennis gestel van die SAID se voorneme om vandeesweek die begin van die belastingseisoen te verklaar – en daar sal van Suid-Afrikaners verwag word om hul belastingopgawes vanaf Julie 2022 te begin indien.
Volgens PWC sal die SAID hierdie Vrydag ‘n aankondiging maak en miljoene inwoners wat inkomste verdien, aanmoedig om hul belastingopgawes in orde te kry.
Die ekonomiese spesialiste het hierdie inligting in ‘n onlangs-vrygestelde mediaverklaring onthul: “Die SAID het ‘n kennisgewing gepubliseer om op 3 Junie 2022 in die Staatskoerant te verskyn om belastingbetalers in kennis te stel om inkomstebelastingopgawes vir die 2022 jaar van aanslag in te dien, asook die tydperke waarbinne die opgawes gelewer moet word. Die indieningseisoen sal in Julie 2022 oopmaak,” volgens PWC se verklaring.
Daar is wel vrystellings:
Sommige mense voldoen nie aan die drempels wat die SAID vereis nie, wat beteken dat hul belastingsake geen ingryping vereis nie. Daar word nie van ‘n individu vereis om ‘n opgawe in te dien as sy bruto inkomste uitsluitlik uit een of meer van die volgende bestaan nie:
Vergoeding van hoogstens R500 000 uit ‘n enkele bron. Dit moet nie bykomende voordele of opeisbare toelaes insluit nie.
Dividende waar die individu ‘n nie-inwoner was gedurende die jaar van aanslag
Bedrae ontvang of toegeval uit belastingvrye beleggings.
Rente-inkomste uit Suid-Afrika wat nie R23 800 oorskry vir ‘n persoon jonger as 65 nie.
Rente-inkomste uit Suid-Afrika wat nie R34 500 oorskry vir ‘n persoon van 65 jaar of ouer nie.
En laastens, rente-inkomste uit Suid-Afrika wat nie R23 800 oorskry vir ’n bestorwe persoon se boedel nie.
Bronne: MSN, The World News
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
Lees ook: Polisie moet betaal vir onwettige arrestasie van pastoor
