Aangemelde gevalle in Irak van ‘n virus wat veroorsaak dat jy doodbloei, neem toe, wat veroorsaak dat die WGO bekommerd is.
Die virus word deur bosluise oorgedra. Gashere van die virus sluit beide wilde en plaasdiere in soos buffels, beeste, bokke en skape, wat almal algemeen in Dhi Qar voorkom.
Die virus het gemuteer om van diere na mense oor te gaan. Irak het vanjaar 19 sterftes van 111 CCHF-gevalle, ook Krim-Kongokoors genoem, by mense aangeteken, volgens die Wêreldgesondheidorganisasie.
Daar bestaan nog nie ‘n entstof teen die virus nie. Besmetting kan vinnig begin, wat ernstige bloeding, beide inwendig en uitwendig en veral van die neus, veroorsaak.
Volgens medici veroorsaak dit die dood in soveel as twee-vyfdes van gevalle.
“Die aantal gevalle wat aangeteken is, is ongekend,” het Haidar Hantouche, ‘n gesondheidsbeampte in die Dhi Qar-provinsie, gesê. Vorige jare kon gevalle “op die vingers van een hand” getel word, het hy bygevoeg.
“Diere word besmet deur die byt van besmette bosluise,” volgens die Wêreldgesondheidsorganisasie. Die CCHF-virus word óf deur bosluisbyte óf deur kontak met besmette dierebloed of weefsels tydens en onmiddellik na slagting aan mense oorgedra,” voeg dit by.
Die oplewing van gevalle hierdie jaar het amptenare geskok, aangesien die getalle die aangetekende gevalle in die 43 jaar sedert die virus vir die eerste keer in Irak in 1979 gedokumenteer is, ver oorskry.
Endemies in Afrika, Asië, die Midde-Ooste en die Balkan, is CCHF se sterftesyfer tussen 10 en 40 persent, sê die WGO.
Aangesien die virus “hoofsaaklik deur bosluise op vee aan mense oorgedra word, is die meeste gevalle onder boere, slaghuiswerkers en veeartse” sê die WGO.
“Mens-tot-mens-oordrag kan plaasvind as gevolg van noue kontak met die bloed, afskeidings, organe of ander liggaamsvloeistowwe van besmette persone,” voeg dit by.
Benewens onbeheerde bloeding, veroorsaak die virus intense koors en braking.
Bronne: CNN News, MSN
Volg FiND iT hier.
