Nedbank het Vrydag ’n saak verloor nadat ’n afgetrede regter die bank hof toe geneem het nadat hy geweier is om sy eie maatskappye se rekeninge te sluit en geld na Absa te skuif.
Die kliënte wat hul saak teen Nedbank gewen het, is Houtbosplaas (Edms) Bpk en TBS Alpha Beleggings (Edms) Bpk. besit deur regter Kees van Dijkhorst.
Die twee maatskappye het Nedbank suksesvol in die hooggeregshof gedagvaar vir skade wat veroorsaak is deur die bank se weiering om onmiddellik uitvoering te gee aan hul opdragte om hul bankrekeninge te sluit.
In ooreenstemming met die hooggeregshof het die adjunk-president van die appèlhof, regter Xola Petse, en sy kollegas bevind dat bankkliënte die reg het om hul kontraktuele verhouding met ‘n bank summier te beëindig en hul rekeninge binne ‘n redelike kennisgewingtydperk te sluit.
Dijkhorst het die hooggeregshof suksesvol genader en verligtingsbetalings van R66 814,68 vir Houtbosplaas en R114 288,63 vir TBS gevra, met ‘n rente van 10,25% op beide bedrae vir onbillike behandeling, en gesloer om sy versoek toe te staan om sy maatskappye se geld na Absa te skuif.
Bronne: MSN, Soeknet
Volg FiND iT hier.
