’n Vlak 4-weerwaarskuwing is deur die Suid-Afrikaanse Weerdiens (SAWD) uitgereik vir ontwrigtende reën in dele van KwaZulu-Natal.
Die SAWD het gewaarsku teen paaie en brûe wat oorstroom, asook swak bestuurstoestande. Oorstroming van nedersettings en skade aan eiendom en infrastruktuur word ook verwag.
Die KZN-vlak 4-weerwaarskuwing sal na verwagting Saterdag in werking tree en tot middernag duur.
“Ontwrigting as gevolg van sinkgate, modderstortings, rotsstortings en grond-erosie is moontlik. ’n Groot ontwrigting van verkeersvloei is ook moontlik as gevolg van paaie wat gesluit of oorstroom word.”
Die SAWD het inwoners verder versoek om binnenshuis en van die paaie af te bly indien moontlik. “Vermy om riviere en opgeswelde strome oor te steek waar water bo jou enkels is. As jy tydens ‘n vloed in ‘n voertuig vasgekeer word, verlaat die voertuig en klim na hoër grond. In geboue, skuif waardevolle items na ‘n veilige plek bo die verwagte vloedvlak. In landelike gebiede, skuif vee na hoër grond,” het dit gesê.
Bronne: EWN, MSN
Volg FiND iT hier.
Lees ook: Swaar reënval vir KwaZulu-Natal verwag
